Duurder dagga op fees
Junie 28, 2008
Die polisie op die dorp het gister twee uitlanders in hegtenis geneem vir die onwettig handeldryf van dagga. ‘n Kongolese man en ‘n Malawiese man is in aanhouding ná hulle dagga verkoop het teen pryse hoër as die straatwaarde, luidens ‘n polisieverklaring. ‘n Banksakkie dagga met ‘n straatwaarde van R20 is verkoop vir R200 terwyl drie kleiner selfgemaakte sakkies (bompies) met waarde van R20 elk teen R300 verkoop is. Die twee is op die besigheidsterrein van die Nasionale Kunstefees wat die week op die dorp gehou word, in hegtenis geneem, het polisiewoordvoerder Milanda Coetzer gesê.
Hulle sal Maandag in die hof verskyn.
Die verklaring lui voorts 133 dagvaardigings is in die laaste 24 uur deur die polisie en die verkeersafdeling tydens padblokkades uitgereik. Die dagvaardigings was meestal weens spoedoortredings.
Ook 2 gevalle van diefstal uit voertuie en ‘n verhoging in skootrekenaardiefstal is aangemeld.
Entry Filed under: Fees 2008. Tags: dagga, dagvaardiging, fees, milanda coetzer, padblokkade, polisie, spoedoortreding, verklaring.
Trackback this post | Subscribe to the comments via RSS Feed